Shoprite, Afrika se grootste kleinhandelsupermark, voer al vir die afgelope ses maande daagliks sowat 3000 stuks vee deur 1 000 ton se kosafval in veevoer om te skakel.
Sanjeev Raghubir, hoof van volhoubaarheid by Shoprite, sê die projek vorm deel van die maatskappy se verbintenis tot omgewingsvolhoubaarheid en die bevordering van die sirkel-ekonomie.
“Ons het besluit om voedselprodukte wat van Shoprite en Checkers teruggestuur word en nie meer vir menslike gebruik geskik is nie, te hergebruik en sodoende te voorkom dat organiese afval op stortingsterreine beland.
“Gedroogde goedere soos rys, pasta, mielieprodukte, graanprodukte, meel, skyfies, peuselhappies en sade vul nou mieliegruis, ‘n neweproduk van mieliemeel, in Shoprite se veevoerformule aan. Dit het gelei tot die handhawing van veevoer van ‘n hoë gehalte,” sê Raghubir.
Hy sê Shoprite pas ‘n hiërargiese benadering toe om voedselvermorsing, wat beduidende omgewing-, maatskaplike en ekonomiese gevolge het, te verminder.
We use cookies to ensure that we give you the best experience on our website. I hereby accept the the Privacy Terms in accordance with the POPIA Act. If you continue to use this site we will assume that you are happy with it.AcceptDeclinePrivacy policy
You can revoke your consent any time using the Revoke consent button.Revoke consent