Weerdiens waarsku oor erge donderstorms oor MP, GP en KZN
Die Suid-Afrikaanse weerdiens het vanoggend ‘n waarskuwing uitgereik oor erge donderstorms wat vandag oor dele van Mpumalanga en Gauteng kan voorkom.
Die donderstorms kan van 15:00 tot middernag oor die suidelike dele van Mpumalanga en die suidelike dele van Gauteng voorkom. Die weerdiens het ‘n geel vlak 2-waarskuwing vir die storms uitgereik en waarsku dat die weerstoestande met swaar neerslae, groot hoeveelhede klein hael en erge wind kan gepaard gaan.
Die weerdiens sê oorstromings kan plek-plek voorkom, veral in laaggeleë dele, op paaie en oor brûe. Die toestande kan ook moeilike bestuurstoestande vir motoriste tot gevolg hê.
Intussen het de weerdiens vanmiddag ook ‘n waarskuiwing uitgestuur vir erge donderstroms oor veral die binneland van KwaZulu-Natal, met swaar neerslae wat plek-plek tot oorstromings kan lei, paaie kan oorstroom, eiendom kan beskadig en bestuurstoestande bemoeilik. Die weerdiens waarsku ook dat erge weerlig plek-plek kan voorkom, wat gevaarlik vir mens en dier kan wees en veldbrande kan veroorsaak.
