Maroela Media – Uitvoerdeurbraak: SA tafeldruiwe nou op pad na Filippynse mark

Dit het tien jaar van onderhandeling geverg, maar Suid-Afrikaanse tafeldruiwe het nou uiteindelik toegang tot Filippynse markte gekry.

Die marktoegang geld sedert 26 Februarie, wat beteken Suid-Afrikaanse produsente kan nou reeds met die uitvoerproses begin. Dít nadat daar reeds in Januarie 2015 met die onderhandelingsproses begin is.

Suid-Afrika word beskou as een van die voorste uitvoerders van tafeldruiwe en is een van die vyf top-uitvoerders wêreldwyd. Die bedryf speel ‘n groot rol in Suid-Afrika se ekonomie, danksy die noemenswaardige buitelandse verdienste, die werkgeleenthede wat geskep word en die bydrae wat dit tot die groei van die landboubedryf lewer.

Volgens die Suid-Afrikaanse Tafeldruifbedryf (Sati) voer Suid-Afrika sowat 55% van sy tafeldruiwe na die Europese Unie uit. Nog 20% gaan na die Verenigde Koninkryk.

Die 2022-23-seisoen is afgesluit met 63 miljoen kartonne wat uitgevoer is, terwyl daar terselfdertyd 86 870 seisoen- en 14 843 permanente werkers in diens was.

Lees die volle berig op Maroela Media – Uitvoerdeurbraak: SA tafeldruiwe nou op pad na Filippynse mark